Azərbaycan, Bakı, 29 dekabr /Trend, müxbir Ü.İsmayılova/
Azərbaycan-İngiltərə birgə sığorta şirkəti "Temzа Sığorta Qrupu" 2011-ci il yanvarın əvvəlində nizamnamə kapitalını indiki 0,9 milyon manatdan 3 milyon manata qədər artıracaq. Bu barədə çərşənbə günü şirkətin idarə heyətinin sədri Samir Mustafayev deyib.
"Şirkətin kapitalı yeni səhmdarın - bir fiziki şəxs - Azərbaycan rezidentinin hesabına artırılacaq", - Mustafayev qeyd edib.
Nizamnamə kapitalında 49 faizlik iştirak payına malik Britaniyanın "Glencarron Group Limited" olduğu "Temzа Sığorta Qrupu" sığorta şirkəti Azərbaycanın sığorta bazarında 1996-cı ildən fəaliyyət göstərir. Azərbaycanın iştirak payı yerli fiziki şəxs və hüquqi şəxsə (Gala Investment) məxsusdur.
"Britaniyanın "Glencarron Group Limited" şirkətinin payını yerli investor ala bilər, - Mustafayev deyib. - Bununla əlaqədar hazırda yeni səhmdarla danışıqlar aparılır. Yerli səhmdar ingilis səhmdarın payını alarsa, "Temza Sığorta Qrupu" Azərbaycanın 100 faizli şirkəti olacaq".
Dekabrın 29-na olan rəsmi məzənnə 0,7983 AZN/USD təşkil edir.
