...

Azərbaycanda həyat sığortası üzrə ənənəvi xarici məhsullara tələbat var – bazar iştirakçısı

Biznes və iqtisadiyyat xəbərləri Materials 7 Yanvar 2011 15:06 (UTC +04:00)

Azərbaycan, Bakı, 7 yanvar /Trend, müxbir Ü.İsmayılova/

Azərbaycanda həyatın sığortalanması prosesi tədricən də olsa, inkişaf edəcək. Azərbaycanın "Paşa Sığorta" şirkətinin idarə heyətinin sədri Nofəl Rzayev belə deyib.

"Bu günə Azərbaycanda artıq həyat sığortasına ehtiyacı olan müştəri bazası var", - Rzayev deyib.

Onun sözlərinə görə, ölkənin sığorta bazarında xarici ölkələrdə tətbiq olunan həyat sığortası üzrə ənənəvi məhsullara tələbat yaranıb.

"Bu gün artıq bu xidmət növünü yerli bazarda da tətbiq etmək olar, həmçinin onların xarici sığortaçılarla tətbiqi mümkündür", - Rzayev hesab edir.

Peşə xəstəlikləri və ya istehsalatda bədbəxt hadisələr nəticəsində əmək qabiliyyətinin itirilməsinin icbari sığortası da həyat sığortası üzrə bazarın inkişafına imkan yaradır. Onun tətbiqi mütləq hesab olunur, belə ki öz işçilərinin sığortalanmasından imtina edən işəgötürənlərə ciddi inzibati sanksiyalar tətbiq olunacaq. İşə götürənlər üçün sanksiyalar 1500-3000 manat məbləğində müəyyən olunub.

2010-cu ilin iyulunda Azərbaycan Prezidenti İlham Əliyev "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" qanunu təsdiq edib. 

Bu günə Azərbaycanda həyat sığortası üzrə cəmi iki şirkət fəaliyyət göstərir - "Atəşgah Həyat" və "Qala Həyat". Yaxın günlərdə "PAŞA Həyat Sığorta"nın Maliyyə Nazirliyindən müvafiq lizenziyanı alması gözlənilir.

Yanvarın 7-nə olan rəsmi məzənnə 0,7977 AZN/USD təşkil edir.

Xəbər lenti

Xəbər lenti