Azərbaycanın sığorta şirkəti 2011-ci ildə müştəri bazasını əhəmiyyətli şəkildə artırmağı planlaşdırır
Azərbaycan, Bakı, 11 yanvar /Trend, müxbir Ü.İsmayılova/
Azərbaycanın sığorta şirkəti "Emrah Sığorta" 2011-ci ildə müştəri bazasının genişlənməsi üzrə ciddi tədbirlərin həyata keçirilməsini planlaşdırır. Bu barədə çərşənbə axşamı şirkətin idarə heyətinin sədri Şahin Məmmədov deyib.
Şirkətin aşağı sığorta yığımlarının əsas səbəblərindən biri kimi, o, məhz zəif müştəri bazasını qeyd edib. 2010-cu ilin yanvar-noyabr ayları üçün şirkətin sığorta haqları 0,3 milyon manat ödənişlə 0,7 milyon manat təşkil edib. 2009-cu il ərzində şirkətin sığorta haqları 0,13 milyon manat ödənişlə 0,26 milyon manat, 2008-ci ildə isə müvafiq olaraq 0,56 manat və 0,12 milyon manat olub.
Çətin vəziyyətə baxmayaraq, "Emrah Sığorta"nın tərkibdə səhmdarların dəyişilməsi və yaxud digər yerli şirkətlə birləşmə planı yoxdur.
"Bu günə şirkətin kapitalı 3,5 milyon manat təşkil edir ki, bu da 2011-ci ilin əvvəli üçün Maliyyə Nazirliyinin normativ tələblərini ötür, buna görə də "Emrah Sığorta" əlavə vəsaitlərin cəlb olunmasına ehtiyac duymur", - Məmmədov deyib.
Onun sözlərinə görə, bu günə şirkətin kapitalı alınmış bütün riskləri sığortlamağa imkan vermir.
"Emrah Sığorta" şirkəti 1993-cü ildən Azərbaycan bazarında fəaliyyət göstərir. Şirkətin 18 sığorta xidmətinin göstərilməsi üzrə lisenziyası var, onlardan üçü icbaridir. Şirkətin səhmdarları iki fiziki şəxsdir.
Yanvarın 11-nə olan rəsmi məzənnə 0,7976 AZN/USD təşkil edir.
