Azərbaycan, Bakı, 25 yanvar/Trend, müxbir N.İsmayılova/
Azərbaycanda beynəlxalq tvininq proqram çərçivəsində elektron audit sisteminin tətbiqi layihəsinin hazırlanması başa çatıb və aparıcı e-audit sisteminə malik Niderland Vergi Administarsiyası ilə birlikdə gələn aydan etibarən bu layihənin həyata keçirilməsinə başlanılacaq. Bu barədə çərşənbə axşamı vergilər nazirinin birinci müavini Natiq Əmirov ötən ilin yekunlarına və 2011-ci ilin planlarına həsr edilən mətbuat konfransında deyib.
"Nəzəri baxımdan elektron audit sisteminin tətbiqi səyyar yoxlamaların sayını 90 faiz azaltmağa imkan verə bilər. Sahibkarların elektron auditə keçidlə bağlı hazırlıqlarından asılı olaraq, vergi orqanları tərəfindən müvafiq tədbirlər görüləcək", - Əmirov bildirib.
Elektron audit vergiödəyicilərinin hüquqlarının qorunmasına yönəlib. Onun tətbiqi üçün avtomatlaşdırılmış informasiya sistemi lazımdır və hazırda Vergilər Nazirliyinin ixtiyarında olan sistem elektron auditin aparılması üçün bütün imkanlara malikdir, - nazir müavini bildirib. Tvininq layihə iki il üçün nəzərdə tutulub və artıq onun bütün mərhələləri üzrə konkret tədbirlər planı hazırlanıb. Onlardan biri kadr hazırlığıdır.
Əmirovun sözlərinə görə, nazirliyin həyata keçirdiyi tədbirlər nəticəsində ötən ilin yekunları üzrə vergi borclarının sayı 2009-cu ilə nisbətdə 1,6 milyard manat azalıb.
