Azərbaycan, Bakı, 27 yanvar /Trend, müxbir Ü.İsmayılova/
Azərbaycanın sığorta şirkəti "Qarant Sigorta" satış və nəzarət sistemlərinin avtomatlaşdırılması üçün proqram təminatının tətbiqinə hazırlaşır. Bu barədə cümə axşamı şirkətin idarə heyətinin sədri Vaqif Həsənov bildirib.
"Yeni sistemin tətbiqində əsas məqsəd şirkətin əməliyyat xərclərinin azaldılmasıdır", - Həsənov bildirib.
Onun sözlərinə görə, yeni sistemin tətbiqindən sonra satış müddətləri xeyli azalacaq. Çünki şirkətin nümayəndələri qısa müddət ərzində sığorta polislərini uzaq məsafədən sənədləşdirə və müştəriyə təqdim də biləcəklər.
"Qarant Sigorta" şirkəti sığorta fəaliyyəti göstərmək üçün 2007-ci ilin noyabrında Maliyyə Nazirliyindən lisenziya alıb. "Qarant Sigorta" ZQAN Holding-in tərkibinə daxildir. 2010-cu ildə fəaliyyətinni yekunları üzrə şirkətin mükafatları yeddi milyon manatdan artıq, ödənişləri 2,4 milyon manat təşkil edib.
Yanvarın 27-nə rəsmi məzənnə 0,7974 AZN/USD təşkil edir.
