...

Azərbaycan idxal olunan minik avtomobillərinə fərqləndirici yol vergisi qoymağı planlaşdırır

Biznes və iqtisadiyyat xəbərləri Materials 28 Yanvar 2011 16:49 (UTC +04:00)

Azərbaycan, Bakı, 28 yanvar /Trend, müxbir Ü.İsmayılova/           

Azərbaycan Dövlət Gömrük Komitəsi (DGK) Azərbaycana Rusiya, Ukrayna və Gürcüstandan gətirilən avtomobillər üçün kvota tətbiqi ilə bağlı təkliflər hazırlayır. Bu barədə cümə günü Trend-ə Gömrük Komitəsinin maliyyə-tarif və valyuta nəzarəti baş idarəsi rəhbərinin müavini İlqar İbrahimov deyib.

"Dövlət Gömrük Komitəsinin təkliflərinə əsasən, sərnişin avtobusları və yük maşınları üçün 30 günlük kvota tətbiq olunacaq", - İbrahimov deyib. Bundan əvvəl 14 günlük kvotanın təsdiqi barədə təkliflər irəli sürülsə də, Azərbaycan Nəqliyyat Nazirliyi bununla razılaşmamışdı.

Onun sözlərinə görə, hazırda Azərbaycana əsasən bu üç ölkədən xeyli sayda yük maşınları və avtobuslar gətirilir. Bu ölkələr vergiqoymadan azad olunub, ona görə də Azərbaycanda onlara kvotalaşdırma sistemi tətbiq olunmur.

"Ölkədə bu cür avtomobillərin sayının çoxluğu daxili nəqliyyatın işi və inkişafına, həmçinin yerli əhalinin fəaliyyətinə mane olur", - İbrahimov deyib.

30 günlük kvotanın tətbiqinin əsas məqsədləri vergi yığımı hesabına dövlət büdcəsinə gəlirlərin artırılması, həmçinin daxili bazar və nəqliyyatın maraqlarının müdafiəsidir. Respublikada olduğu əlavə vaxt müddətində yol vergisi ödəniləcək ki, bu da fəaliyyətdə olan vergi qanunvericiliyinə müvafiq olaraq avtobuslar üçün günə 15 dollar, yük avtomobilləri üçün 20 dollar səviyyəsində müəyyən olunub.

Lakin, onun sözlərinə görə, kvotalaşdırma sistemi minik maşınlarına aid edilməyəcək.

Gömrük Komitəsi ölkəyə gətirilən minik avtomobilləri üçün yol vergisi üzrə fərqləndirici sistemin tətbiqini də təklif edir. İbrahimov deyib ki, hazırda bütün minik avtomobilləri üçün vergi səviyyəsi 15 dollar təşkil edir və DGK mühərrikin həcmindən asılı olaraq onu genişləndirmək və müəyyən etməyi təklif edir.

"DGK-nın ölkə hökumətinə yeni təklifləri artıq fevralda təqdim olunacaq", - İbrahimov deyib.

Xəbər lenti

Xəbər lenti