Azərbaycan, Bakı, 9 fevral /Trend, müxbir Ü.İsmayılova/
Azərbaycan Dövlət Gömrük Komitəsi yanvarda gömrük rüsumları və vergilərin toplanması hesabına dövlət büdcəsinə 70,15 milyon manat vəsait köçürüb. Bu barədə çərşənbə günü DGK-dan məlumat verilib.
Gömrük rüsumlarından daxilolmalar 14,866 milyon manat, ölkəyə idxal olunan mallara əlavə dəyər vergisindən 52,26 milyon manat, aksizlər üzrə 2,2 milyon manat, yol vergisi 0,819 milyon manat təşkil edib.
2011-ci ildə DGK xətti üzrə daxilolmaların proqnozu 1,8 faiz (20 milyon manat) - 1,120 milyard manatadək artırılıb.
Ötən il DGK proqnozu 100,16 faiz yerinə yetirərək dövlət büdcəsinə planlaşdırılan 1,1 milyard manat əvəzinə 1 101,73 milyon manat vəsait köçürüb.
Fevralın 9-na olan rəsmi məzənnə 0, 7958 AZN/USD təşkil edir.