Azərbaycan, Bakı, 17 fevral /Trend, müxbir E.İsmayılov/
Azərbaycan Nəqliyyat Nazirliyi Bakıda yeddi yeni yeraltı keçidin tikintisinə başlayıb. Trend-in məlumatına görə, bu barədə nəqliyyat nazirinin müavini Musa Pənahov hakim Yeni Azərbaycan Partiyasının internet saytında yerləşdirilən müsahibəsində deyib.
Hazırlıq işlərinə bu il başlanılıb.
Onun sözlərinə görə, layihələşdirmə başa çatıb və Mikayıl Hüseynov və Şövkət Ələkbərova küçələrinin kəsişməsində, "Azneft" meydanında, "Neftçilər" prospekti, 81 ünvanında və bu prospektin Bülbül prospekti ilə kəsişməsində, "Azadlıq" meydanı qarşısında və Niyazi və Adil İsgəndərov küçələrinin kəsişməsində, Bakı Dəniz Vağzalı qarşısında, eləcə də Şəhidlər Xiyabanı qarşısında Parlament prospektində keçidlərin tikintisinə başlanılıb.