Azərbaycan, Bakı, 2 mart /Trend, müxbir N.İsmayılova/
Avstriyanın iri bankları Azərbaycan Beynəlxalq Bankının (AMB) özəlləşdirilməsi prosesinə maraq göstərirlər. Trend-in məlumatına görə, bu barədə çərşənbə günü "Lansky, Ganzger & Partner" vəkil kontorunun rəhbəri, Avstiya-Azərbaycan Ticarət Palatasının (ATAZ) vitse-prezidenti Qabriel Lanski deyib. Lanski Bakıda keçirilən Azərbaycan investorlarının "The Azerbaijan Investors Summit 2011" sammitinin işində iştirak edir.
"İndi konkret nə isə barədə danışmaq hələ ki tezdir, lakin maraq var", - o qeyd edib.
ABB yarıdövlət bankıdır, bu gün əsas səhmdarı səhmlərin 50,2 faizinə sahib olan Azərbaycan hökuməti olaraq qalır. 49,8 faiz isə fiziki və hüquqi şəxslərə (həmçinin banklara) məxsusdur.
Azərbaycan hökuməti ABB-nin özəlləşdirilməsi çərçivəsində məsləhətçinin cəlb edilməsi üçün açıq tender elan edib. Tender təklifləri aprelin 22-də açılacaq.
ABB ötən ili 5 527,92 milyon manatlıq aktivlərlə başa vurub ki, bu da 2009-cu ilin analoji dövr göstəricisindən 8,99 faiz çoxdur.
Martın 2-nə olan rəsmi məzənnə 0,7939 AZN/USD təşkil edir.
