...

Azərbaycan Turizm Assosiasiyası Sahibkarlar Konfederasiyası ilə əməkdaşlıq haqqında razılığa gəlib

Biznes və iqtisadiyyat xəbərləri Materials 14 Mart 2011 18:23 (UTC +04:00)

Azərbaycan, Bakı, 14 mart /Trend, müxbir Ü.İsmayılova/

Bazar ertəsi Azərbaycan Turizm Assosiasiyası (AzTA) və Azərbaycan Sahibkarlar (İşəgötürənlər) Təşkilatları Milli Konfederasiyası əməkdaşlıq haqqında müqavilə bağlayıblar. Bu barədə bazar ertəsi Trend-ə AzTA rəhbəri Nahid Bağırov deyib.

"Müqavilənin əsas bəndi sahibkarlığın inkişafı və turizm sahəsində biznes mühitinin yaxşılaşdırılması, turizm şirkətləri və hotellərin potensial imkanlarının gücləndirilməsi, turistlərin hüquqlarının müdafiəsi, təşkilat üzvlərinin dinamik artımına effektiv yardımın göstərilməsidir", - Bağırov qeyd edib.

Onun sözlərinə görə, saziş dövlət və qeyri-dövlət qurumlarının turizm şirkətləri və obyektlərinin hüquqlarının müdafiəsi, hüquqi, iqtisadi və maliyyə informasiyasının yığılması, ölkədə turizmin inkişafı üzrə proqram və layihələrin hazırlanması, birgə treninqlərin keçirilməsi, habelə Azərbaycan sahibkarlarının xaricdə biznes-forum, konfrans və seminarlarda iştirakına yardım göstərilməsidir.

Azərbaycan Turizm Şirkətləri Assosiasiyası 2009-cu ilin yanvarında Mədəniyyət və Turizm Nazirliyinin dəstəyi ilə yaradılıb.

Xəbər lenti

Xəbər lenti