Azərbaycan, Bakı, 15 mart /Trend, müxbir N.İsmayılova/
Yanvar-fevralda Azərbaycanda sənaye istehsalı (məhsul istehsalı və sənaye xarakterli xidmətlərin göstərilməsi) 4,9 milyard manat təşkil edib ki, bu da 2010-cu ilin analoji dövr göstəricisindən 0,2 faiz çoxdur. Bu barədə çərşənbə axşamı Dövlət Statistika Komitəsindən bildiriblər.
Yanvar-fevralda özəl sektorun payı ötən ilin analoji dövrünə nisbətən 2,1 faiz artaraq sənaye istehsalının ümumi həcminin 80,7 faizini təşkil edib. Bu zaman 92 faiz sənaye məhsulları istehsalının, səkkiz faiz sənaye xarakterli xidmətlərin payına düşüb. Sənayenin qeyri-neft sektorunda məhsul istehsalı 8,9 faiz artıb.
Hesabat dövrü ərzində emal sənayesinin istehsal həcmi 1,1 faiz artaraq 20,78 milyard manat olub ki, bu da ümumilikdə sənaye istehsalının xüsusi çəkisinin 75,8 faizini təşkil edib. Emal sənayesinin ümumi çəkisi 19,1 faiz, elektrik enerjisi, qaz sektorunun payı 4,5 faiz, su sektoru, çirkab suların və tullantıların təmizlənməsi isə 0,6 faiz olub.
Hesabat dövrü ərzində hasilat sənayesində istehsalın həcmi 0,4 faiz artaraq 3,6 milyard manat təşkil etməklə bütün sənaye istehsalının xüsusi çəkisinin 74,3 faizi həcmində olub. Hesabat dövründə neftin həcmi 7,9 milyon ton, təbii qaz hasilatı isə 4,1 milyard kubmetr həcmində olub.
Emal sənayesində istehsalın həcmi 2,9 faiz azalaraq 926,7 milyon manat təşkil edib. Həmçinin, qida məhsullarının istehsalında da böyük artım müşahidə olunub. Yanvar-fevralda ölkədə avtomobillərin, qoşqu və yarımqoşquların (27,2 dəfə), elektrik avadanlıqlarının istehsalında (2,6 dəfə), metallurgiya (68,7 faiz) və kimya sənayesində (88 faiz) əhəmiyyətli dərəcədə artım müşahidə olunub.
Həmçinin, ərzaq məhsullarının istehsalında da 2,9 faizlik artım müşahidə olunub. Ölkədə kolbasa məhsullarının istehsalı 4,4 faiz artaraq 310,9 ton, ət 2,2 faiz (42 min ton), süd 5,4 faiz (118,1 min ton), kərə yağı 0,8 faiz (3,5 min ton), pendir və kəsmik 2,2 faiz (7,4 min ton), şəkər 22,9 faiz (52,6 min ton) təşkil edib.
Martın 15-nə olan rəsmi məzənnə 0,7933 AZN/USD təşkil edir.
