...

Azərbaycanda bədbəxt hadisələrdən icbari sığorta üzrə 2 milyon manat sığorta haqqı yığılıb

Biznes və iqtisadiyyat xəbərləri Materials 15 Mart 2011 15:35 (UTC +04:00)

Azərbaycan, Bakı, 15 mart /Trend, müxbir Ü.İsmayılova/

Yanvar-fevralda Azərbaycanın sığorta şirkətlərinin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilıməsi hallarından icbari sığorta üzrə sığorta haqları 1 957 090,17 manat təşkil edib. Bu barədə Azərbaycan Maliyyə Nazirliyinin sığortaçıların yanvar-fevral ayları ərzində fəaliyyətlərinin yekunları üzrə hesabatında deyilir.

"Bu müddət ərzində sığortanın bu növü üzrə ödənişlər olmayıb", - məlumatda deyilir.

Hazırda Azərbaycanda həyat sığortası üzrə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə lisenziyaya malik cəmi üç şirkət fəaliyyət göstərir. Bunlar "Atəşgah Həyat", "Qala Həyat" və "Paşa Həyat" şirkətləridir.

Azərbaycanda ümulikdə 28 sığorta və bir təkrar sığorta şirkəti fəaliyyət göstərir.

Martın 15-nə olan rəsmi məzənnə 0,7933 AZN/USD təşkil edir.

Xəbər lenti

Xəbər lenti