Azərbaycan, Bakı, 31 mart /Trend, müxbir N.İsmayılova/
Martın 31-dən etibarən Yaponiyanın Yoxsulluğun Azaldılması Fondunun (JFPR) monitorinq və koordinasiya üzrə missiyasının Azərbaycana ikigünlük səfəri başlayır. Bu barədə cümə axşamı Trend-ə Asiya İnkişaf Bankının (AİB) Bakı nümayəndəliyindən bildirilib.
Missiyanın tərkibinə AİB-in Yaponiya üzrə Direktorlar Şurasının icraçı direktoru Masakadzu Sakaquçi, maliyyələşdirmə üzrə baş mütəxəssis (JSF Fondunun koordinatoru) Kadzuo Kodzima, JFPR-in məsləhətçisi Ronaldu Oblepias daxildir.
Səfər çərçivəsində Maliyyə Nazirliyində, Yaponiyanın Azərbaycandakı səfirliyində, Nəqliyyat Nazirliyində, "Azərsu" ASC-də görüşlər nəzərdə tutulub.
Səfərin əsas məqsədi JFPR və JSF-in ölkədə həyata keçirdiyi başa çatmış layihələrinin nəticələri və statusu, eləcə də hazırlanan layihələrin portfeli ilə tanışlıqdan ibarətdir.
