Azərbaycan, Bakı, 12 aprel /Trend, müxbir N. İsmayılova/
2011-ci ilin yekunları üzrə Azərbaycanın strateji valyuta ehtiyatları 40 milyard dollara çata bilər. Bu barədə çərşənbə axşamı jurnalistlərə AMB sədrinin müavini Aftandil Babayev bildirib.
"Bu gün Mərkəzi Bankın valyuta ehtiyatları 6,7 milyard dollar təşkil edir və ilin sonuna olan proqnozlara görə, onlar səkkiz milyard dollar artacaq. Bizim qiymətləndirmələrimizə görə, 2011-ci ilin yekunları üzrə ölkənin strateji valyuta ehtiyatlarının 40 milyard dollara çatacağı realdır",- o deyib.
2010-cu ilin yekunları üzrə ölkənin strateji valyuta ehtiyatları təxminən 30 milyard dollara çatıb.
2011-ci ilin birinci rübünün yekunları üzrə AMB-nin valyuta ehtiyatları 310,8 milyon dollar və ya 4,9 faiz artaraq 6718,4 milyon dollar təşkil edib. 2010-cu ilin sonlarına 6407,6 milyon dollar təşkil edib.
Cari ilin yanvar ayının sonlarına AMB-nin valyuta ehtiyatları 6566,9 milyon dollar, fevralda 6705,2 milyon dollar olub. 2010-cu ilin birinci rübünün yekunları üzrə onlar 5510 milyon dollar təşkil edib.
