Azərbaycan, Bakı, 14 aprel /Trend, müxbir N.İsmayılova/
Dünya Bankı (DB) su təchizatı və kanalizasiya üzrə ilk milli layihə (National water supply and sanitation project) üçün kreditin yenidən strukturlaşdırılmasını keçirir. Bu barədə cümə axşamı Trend-ə bankın Bakı nümayəndəliyindən məlumat verilib.
"DB hazırda bu kreditin yenidən strukturlaşdırılmasını keçirir və hələlik onun həyata keçirilməsi üçün əlavə maliyyənin ayrılması məsələsi müzakirə olunmur, çünki əvvəlcə kredit vəsaitlərinin mənimsənilməsini müəyyən faiz səviyyəsinədək çatdırmaq vacibdir", - nümayəndəlikdən deyiblər.
Ölkənin 22 rayonunu əhatə edən və ümumi dəyəri 310 milyon dollar olan birinci su layihəsinə DB 230 milyon dollar ayırıb. 2010-cu ilin oktyabrına olan məlumata görə, DB-nin layihə üzrə maliyyələşdirməsinin ümumi həcminin 8,9 milyon dollarından istifadə olunub. Birinci layihənin həyata keçirilməsi nətiəsində ən azı 700 min nəfər su ilə təmin olunacaq, eləcə də onlar kanalizasiya xidmətlərindən istifadə edə biləcəklər.
Layihə 2007-ci ilin iyununda bankın Direktorlar Şurasında təsdiqlənib, onun həyata keçirilməsinə isə 2008-ci ilin martında başlanıb. Bu layihənin 2012-ci il yanvarın sonunadək başa çatdırılması nəzərdə tutulub.
