Azərbaycan, Bakı, 14 iyun /Trend, müxbir N.İsmayılova/
2011-ci ilin birinci rübünün yekunlarına görə, özəl sektora birbaşa dövlət və dövlət zəmanətli kreditlər və digər investisiyalar formasında cəlb olunmuş xarici kreditlərin xüsusi çəkisi 51,9 faiz təşkil edib. Bu barədə çərşənbə axşamı Mərkəzi Bankın saytında dərc edilən ödəniş balansında deyilir.
Kapital qoyuluşlarının ümumi həcmi 884,9 milyon dollar təşkil edib. Bu, 2010-cu ilin anoloji göstəricisindən 23,8 faiz azdır.
Kreditlərin 60 faizi (447,3 milyon dollar) bilavasitə dövlət tərəfindən və dövlət zəmanəti ilə cəlb edilib. Zəmanəti olmayan kreditlərin payına 298,3 milyon dollar (40 faiz) düşür.
Zəmanəti olmayan kreditlərin 141,7 milyon dolları banklar, 1,1 milyon dolları neft-qaz sektoru, 155,5 milyon dolları digər müəssisə və şirkətlər tərəfindən cəlb edilib.
Bundan əvvəl cəlb edilmiş xarici borcların ümumi həcmindən 199,9 milyon dollar qaytarılıb. Qaytarılan kreditlərin 58,2 faizi (116,4 milyon dollar) bank sisteminin, 18,2 faiz (36,4 milyon dollar) dövlət və dövlət təminatı olan kreditlərin, 2,3 faiz (4,6 milyon dollar) neft-qaz sektorunun, 21,3 faiz (42,5 milyon dollar) isə digər müəssisə və firmaların payına düşür.
