Azərbaycan, Bakı, 16 iyun /Trend, müxbir T.Cəfərov/
İranın Xəzərdə 28 yükdaşıma gəmisi fəaliyyət göstərir və dənizdə yükdaşımanın 22 faizi İranın payına düşür. Bunu İranın Gilan vilayətinin Gəmiçilik İdarəsinin rəhbəri Fərhad Muntasar Kuhsari deyib. Bu barədə Trend İranın İRNA dövlət xəbər agentliyinə istinadən məlumat verir.
Kuhsari əlavə edib ki, hər il İranın Xəzər limanlarından 10 milyon ton yük daşınır ki, həmin yüklərin 22 faizini (2,4 milyon ton) İran gəmiləri daşıyır.
"İran gəmiləri orta hesabla ayda 200 min ton yük daşıyır. İran gəmilərinin Xəzərdə fəaliyyəti üçün xüsusi güzəştlər tətbiq olunur. Belə ki, gəmiçilik şirkətlərinə xüsusi güzəştli kreditlər verilir və onlardan alınan gömrük xərclərinin məbləği azdır", - Kuhsari deyib.
Onun sözlərinə görə, İran Xəzərdəki ticarət donanmasını inkişaf etdirmək və gəmilərin sayını 40-a çatdırmaq niyyətindədir.