...

Azərbaycanın poçt operatorunun bütün bölmələri il ərzində kommunal ödənişlər sisteminə qoşulacaq

Biznes və iqtisadiyyat xəbərləri Materials 16 İyun 2011 15:13 (UTC +04:00)

Azərbaycan, Bakı, 16 iyun /Trend, müxbir N.İsmayılova/

Azərbaycan Mərkəzi Bankı (AMB) il ərzində KOMIS (kütləvi ödənişlər üzrə mərkəzləşdirilmiş informasiya sistemi) sisteminə "Azərpoçt" poçt operatorunun 1600 bölməsinin hər birini qoşmağı planlaşdırır. Bu barədə cümə axşamı AMB-dan bildirilib.

"Bugünə sistemə poçt operatorunun 580 filialı və şöbəsi qoşulub. Orada ödənişlər etmək mümkündür. KOMİS sisteminə 37 Azərbaycan bankının maliyyə xidmətlərinin göstərilməsi üzrə 726 nöqtəsi qoşulub", - AMB-dan qeyd edilib.

Məlumata əsasən, bugünə sistemdə 4,5 milyon abonent barədə məlumat toplanıb. 2010-cu il ərzində sistem üzrə ödənişlərin ümumi məbləği 183 milyon manat təşkil edib, 11 milyondan çox ödəniş edilib.

Sistemə kommunal xidmətlər sahəsində fəaliyyət göstərən aparıcı təşkilatlar - "Bakıelektrikşəbəkə", "Azəriqaz" İB, "Azərsu", "Azərenerji", "Sumqayıtelektrikşəbəkə" qoşulub.

KOMIS 2008-ci ildə Mərkəzi Bank tərəfindən CheckFree i-Series informasiya sisteminin bazasında yardılıb.

Bankın məqsədi sistemə ölkə üzrə bütün kommunal ödənişlər üzrə abonent və operatorların qoşulmasıdır.

Mərkəzi Bank KOMİS sisteminin sahibi və operatorudur.

İyunun 16-na olan rəsmi məzənnə 0,7879 AZN/USD təşkil edir.

Xəbər lenti

Xəbər lenti