Azərbaycan, Bakı, 24 iyun /Trend, müxbir N.İsmayılova/
Azərbaycan bankı "Texnika Bank" kommunal xidmətlər ödənilərkən bonusların köçürülməsinə başlayır. Bu barədə cümə günü bankın idarə heyətinin sədri Samir Hüseynov deyib.
"Gələn ayın əvvəlindən etibarən biz bankımızın saytı vasitəsilə kommunal xidmətlərin onlayn ödənişini edən müştərilərə bonusların köçürülməsinə başlamağı planlaşdırırıq. Bankın filiallarında da xidmətlər ödənilərkən bonusların köçürülməsi nəzərdə tutulur", - Hüseynov əlavə edib.
Onun sözlərinə görə, müştərilər aldıqları bonusları dəyişdirə və öz telefonlarında balanslarını yükləyə, fleş kart və ya plastik kart ala bilərlər. Bank müştərilərə "cash- back" xidmətini də təqdim etməyi planlaşdırır.
"Texnikabank" bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.
İyunun 24-nə olan rəsmi məzənnə 0,7871 AZN/USD təşkil edir.
