...

İl ərzində Azərbaycanda buğda əkini sahələri yarıyadək azalıb

Biznes və iqtisadiyyat xəbərləri Materials 4 İyul 2011 14:16 (UTC +04:00)

Azərbaycan, Bakı, 4 iyul /Trend, müxbir A.Axundov/

Azərbaycanın Kənd Təsərrüfatı Nazirliyinin məlumatına görə, ölkədə il ərzində buğda əkini sahələri 51,4 faiz azalıb.

"2011-ci ilin iyununa buğda 268 hektar sahəyə əkilib, ötən il bu rəqəm 551 hektar təşkil edib", - nazirlikdən bildirilib.

Ölkədə çöl işləri başa çatmaq üzrədir və ümumilikdə, iyunun 22-nə 397,297 min hektar sahədə yaz bitkilərinin əkini aparılacaq. Ötən illə müqayisədə, əkin sahəsi 5,8 faiz və ya 21,643 min hektar artıb.

Göstərilən müddətdə ümumilikdə, 29,659 min hektar ərazidə dənli və paxlalı bitkilər (qarğıdalı istisna olmaqla) əkilib ki, 2010-cu ilin analoji dövründə bu rəqəm 31,242 min hektar təşkil edib. Azalma 5,1 faiz təşkil edib.

Vələmir 1745 hektar (artım 5,8 faiz), qabıqdan təmizlənməmiş düyü - 1659 hektar, qarğıdalı - 34262 hektar (artım 12,2 faiz), günəbaxan - 10823 hektar (artım 21,5 dəfə) ərazidə əkilib.

Bir müddət əvvəl kənd təsərrüfatı naziri İsmət Abasovun dediyi kimi, Azərbaycanda 2011-ci ildə 2,5 milyon ton taxıl istehsalı gözlənilir. Bu, ötən ilin göstəricisini 500 min ton üstələyir.

"Hava şəraiti əlverişli olsa, biz 2,5 milyon ton taxıl istehsalını proqnozlaşdırırıq. Bunun 1,7 milyonu ərzaq buğdasının payına düşəcək", - Abasov qeyd edib.

2011-ci ildə 800 min ton arpa istehsalı planlaşdırılır.

Ötən il ərzində ölkədə 2000,9 min ton taxıl yığılıb. Bu, 2009-cu ildəkindən 33 faiz azdır. Hər bir hektar torpaqdan orta hesabla 20,7 sentner taxıl yığılıb.

Nazirin sözlərinə görə, bu gün ölkənin taxıla tələbatı 3-3,2 milyon tondur.

"Çatışmayan hissə digər ölkələrdən idxal ediləcək. Bu gün Azərbaycan taxılı Rusiya və Qazaxıstandan idxal edir", - nazir qeyd edib.

Onun sözlərinə görə, ötən il Azərbaycanda əlverişsiz hava şəraitinə görə taxıl istehsalının həcminin azalmasına baxmayaraq, ölkədə məhsulun bu növü üzrə qıtlıq müşahidə edilmir.

"Digər kənd təsərrüfatı məhsulları kimi, taxıla tələbat da bu il tam ödəniləcək", - Abasov əlavə edib.

Xəbər lenti

Xəbər lenti