Azərbaycan, Bakı, 22 iyul /Trend, müxbir N.İsmayılova/
Avropa Yenidənqurma və İnkişaf Bankı (AYİB) 2011-ci il üçün Azərbaycanın ÜDM-nin artım proqnozunu əvvəlki üç faiz səviyyəsində saxlayıb. Bu barədə bankın regiondakı əməliyyatların artım perspektivləri üzrə iyul hesabatında deyilir.
Bankın proqnozlarına görə, cari ilin sonlarına inflyasiyanın səviyyəsi 9,1 faiz təşkil edəcək.
Hesabatda deyildiyi kimi, Azərbaycanda iqtisadi artım son vaxtlar neft və qaz hasilatının sabitləşməsi səbəbindən yumşaldılmış qalır. İqtisadiyyatın şaxələndirilməsi əvvəlki kimi vacibdir, çünki iqtisadiyyatın neftdən yüksək asılılığı ilə bağlı risklər dünya böhranı zamanı, neftin qiymətlərinin aşağı düşdüyü vaxt aşkar oldu.
"Qeyri-neft sektoruna birbaşa xarici investisiyaların axını aşağı olaraq qalır. Lakin risk Azərbaycan Dövlət Neft Fondunun rezervlərinin yüksək həcmi sayəsində azalır", - hesabatda deyilir.
AYİB ekspertləri proqnozlaşdırırlar ki, ölkələrin dünya iqtisadi böhranından davam edən çıxışı prosesi fonunda 2011-ci ildə regionun bütün 29 dövlətini 4,8 faiz səviyyəsində artım gözləyir ki, bu da mayda qeydə alınan proqnozdan 4,6 faiz çoxdur. 2012-ci il üçün artım proqnozu 4,4 faiz səviyyəsində olmaqla dəyişməz qalır.
