Azərbaycan, Bakı, 28 iyul /Trend/
Azərbaycanın Qiymətli Kağızlar üzrə Dövlət Komitəsi (QKDK) "Azərqarant Sığorta" ASC-nin 4,01 milyon manat məbləğində adi sənədsiz adlı səhmlərinin emissiya prospektini qeydə alıb. Trend-in məlumatına görə, bu barədə dövlət komitəsinin saytında dərc edilən məlumatda deyilir.
Emissiyanın yerləşdirilməsi hər birinin nominal dəyəri 326 manat olan 10 000 ədəd adi adlı sənədsiz səhmlərinə konvertasiya üsulu ilə aparılacaq.
Buna uyğun olaraq, şirkətin nizamnamə kapitalı 23 faiz - 3,26 milyon manatdan 4,01 milyon manatadək artacaq.
Ötən il ərzində "Azərqarant"ın kapitalı 20,7 faiz artıb.
"Azərqarant Sığorta" sığorta bazarında 1993-cü ildən fəaliyyət göstərir. Maliyyə nazirliyi yanında Dövlət Sığorta Nəzarəti Xidmətinin məlumatına görə, 2011-ci ilin birinci yarısının yekunlarına görə, şirkətin yığımları 0,57 milyon manat təşkil edib. Ödənişlər 0,08 milyon manat məbləğdə həyata keçirilib.
İyulun 28-nə olan rəsmi məzənnə 0,7866 AZN/USD təşkil edir.