Azərbaycan, Bakı, 29 iyul /Trend, müxbir N.İsmayılova/
Azərbaycan sahibkarları və şirkətləri investisiyaları başqa ölkələrə ixrac etməyə başlayıblar. Trend-in məlumatına görə, bu barədə cümə günü iqtisadi inkişaf naziri Şahin Mustafayev "The Business Year-Azerbaijan 2011" jurnalının Azərbaycanın dövlət müstəqilliyinin 20 illiyinə həsr olunmuş xüsusi nömrəsinin təqdimatında deyib.
"Belə ki, Türkiyə iqtisadiyyatına artıq dörd milyarddan çox sərmayə yatırılıb və yaxın illərdə investisiyaların altı milyard dollaradək artırılması planlaşdırılır", - nazir deyib.
Onun sözlərinə görə, Gürcüstan iqtisadiyyatına investisiyalar bir milyarad dollara çatıb.
"Azərbaycanın Gürcüstan üçün nə dərəcədə mühüm sərmayədar olmasının parlaq göstəricisi Azərbaycan şirkətinin [ARDNŞ-nin Gürcüstandakı törəmə müəssisəsi] ilin ən iri sərmayədarı və veriödəyicisi olmasıdır", - Mustafayev bildirib.