Azərbaycan, Bakı, 29 iyul /Trend, müxbir E.İsmayılov/
"Silk Way Business Aviation" "Gulfstream" korporasiyasının G250 modelli təyyarələrinin alıcılarının ilk onluğuna daxildir. Bu barədə cümə günü Trend-ə şirkətdən deyilib.
"Biz 2012-ci ildə 1 G250, 2013-cü ildə daha bir G250 almağı planlaşdırırıq. Həm də qeyd etmək istərdim ki, biz bu modelin alıcılarının ilk onluğuna daxilik", - şirkətdən bildirilib.
Şirkətdən deyildiyinə görə, 2015-ci ildə "Silk Way Business Aviation" şirkətinin təyyarələr parkına "Gulfstream" korporasiyasının daha bir modeli - G650 əlavə olunacaq.
Şirkətin aldığı təyyarələrin qiymətini mənbə açıqlamayaraq bu məlumatın məxfiliyini əsas gətirib.
"Gulfstream" korporasiyası 2008-ci ildə G250 modelini təqdim edib.
Model maksimal məsafə və uçuşun sürətini, eləcə də öz sinfində ən geniş salonu təqdim edir.
Model ilkin kreyser sürəti 41 000 fut olmaqla 45 000 futluq maksimal yüksəkliyə qalxa bilir. Təyyarə 3 400 dəniz mili məsafəsinədək uçuşlar həyata keçirmək qabiliyyətindədir.