Azərbaycan, Bakı, 10 avqust /Trend, müxbir N.İsmayılova/
İlin birinci yarısında Azərbaycan banklarının öhdəlikləri 2,2 faiz və ya 249,8 milyon manat azalıb və 10,9 milyard manat təşkil edib. Bu barədə AMB-nin maliyyə sabitliyi üzrə hesabatında deyilir.
İlin birinci yarısında Azərbaycan banklarının formalaşan resurs bazasında əsas mənbə rolunu hüquqi və fiziki şəxslərin depozitləri qoruyub.
İlin əvvəli ilə müqayisədə bankların ümumi depozit bazası 8,8 faiz artaraq 5,93 milyard manata çatıb. Depozitlərin ümumi öhdəliklər strukturundakı payı 54,5 faiz təşkil edib. Bu göstərici 2010-cu ilin iyulunda 46,5 faiz olub.
Hüquqi şəxslərin depozitlərinin həcmi 2,5 faiz artıb və 2,48 milyard manat təşkil edib. İl ərzində hüquqi şəxslərin depozitləri 15,4 faiz artıb və bank depozitlərinin 41,8 faizini təşkil edib.
İyulun 1-nə olan vəziyyətə görə, əhalinin bank öhdəliklərində əmanətlərinin payı 31,7 faiz təşkil edib. Bu göstərici 2010-cu il iyulun əvvəlində 25,3 faiz olub. Əhalinin əmanətlərinin orta aylıq artımı 2,2 faiz təşkil edib, lakin ən çox artım ilin ikinci yarısında müşahidə edilib. İlin birinci yarısında əmanətlərin həcmi 13,9 faiz, il ərzində 34,7 faiz artıb və 3,45 milyard manat təşkil edib.
Cari ilin altı ayı ərzində cari hesablarda depozitlər 5,3 faiz, təcili depozitlər 11,5 faiz artıb. Təcili depozitlərin ümumi portfeldə payı 58 faiz olub.
Əmanətlərin ümumi həcmində 36,2 faiz ödəniş müddəti bir il olan əmanətlərin (2010-cu ilin iyulunda bu göstərici 33,2 faiz olub) payına düşüb. İlin birinci yarısında milli valyutada depozitlərin həcmi 18,7 faiz artıb və ümumi həcmdə onun payı 48,5 faiz təşkil edib (2010-cu il iyulun 1-də bu göstərici 43,4 faiz olub).
İlin birinci yarısında Azərbaycan banklarının fiziki şəxslərdə - qeyri-rezidentlərdən cəlb etdikləri əmanətlərin artımı 6,7 faiz təşkil edib. Yanvar-iyun ərzində qeyri-rezidentlərdən cəlb edilən vəsaitlər 13,5 faiz artıb və 2,1 milyard manata çatıb. Onun öhdəliklərin ümumi həcmində payı 19,3 faiz təşkil edib.
İlin əvvəli ilə müqayisədə AMB-dən cəlb edilən vəsaitlərin payı öhdəliklərin ümumi həcmində 13,9 faizdən 6,4 faizədək azalıb.
Avqustun 10-na olan rəsmi məzənnə 0,7865 AZN/USD təşkil edir.
