...

Əmlak sığortası Azərbaycanda sığortanın ən ucuz növlərindən biridir

Biznes və iqtisadiyyat xəbərləri Materials 18 Avqust 2011 14:51 (UTC +04:00)

Azərbaycan, Bakı, 18 avqust /Trend, müxbir A.Axundov/

Əmlak sığortası Azərbaycanda sığortanın ən ucuz növlərindən biridir. Bu barədə Dövlət Əmlak Məsələləri Komitəsinin nəşr etdirdiyi Daşınmaz Əmlak jurnalı yazır.

"Ölkənin sığorta şirkətləri tərəfindən təklif olunan tariflərə görə, bu gün əmlakın bütün əsas risklərdən sığortalanması üçün həmin əmlakın dəyərinin orta hesabla 0,1 faizi həcmində sığorta ödənişi etmək kifayətdir", - jurnal yazır.

Əmlakın sığortalanması zamanı tariflər qorunan risklərdən, əmlakın vəziyyətindən və onun yerləşdiyi ərazidən asılı olaraq dəyişir. Bu gün Bakıda əmlak sığortası tarifləri əmlakın dəyərinin 0,2 faizindən 0,4 faizinədək, regionlarda 0,2-0,3 faiz arasında dəyişir.

İyunda Azərbaycanda "Sığortanın icbari növləri haqqında" qanun qəbul edilib. Bu qanun aralarında əmlak sığortasının da olduğu icbari sığortanın 4 növünü tənzimləyir.

Bu qanuna əsasən, mənzilin qiymətindən asılı olmayaraq, Bakı üçün 25 min manat səviyyəsində məbləğin tətbiq edilməsi barədə qərar qəbul edilib, azadolma məbləği isə 250 manat səviyyəsində müəyyənləşdirilib. Sumqayıt, Gəncə və Naxçıvan şəhərləri üçün 200 manat azadolma məbləği ilə sığorta məbləği 20 min manat, qalan regionlar üçün 15 min manat (150 manat) səviyyəsində təşkil edir.
Bu zaman sığorta ödənişinin həcmi sığortanın məbləğinin 0,2 faizindən çox olmamalıdır.

Maliyyə Nazirliyi yanında Dövlət Sığorta Nəzarəti Xidmətinin məlumatına görə, ilk yeddi ayda sığorta şirkətləri tərəfindən əmlak sığortası üzrə 54,997 milyon manat həcmində mükafat toplanılıb ki, bu da ötən ilin müvafiq dövründəkindən 10,17 faiz çoxdur və yığımların ümumi həcminin 47,22 faizini təşkil edir.

Avqustun 18-nə rəsmi məzənnə 0,7864 AZN/USD təşkil edir.

Xəbər lenti

Xəbər lenti