Azərbaycan, Bakı, 19 avqust /Trend, müxbir A.Axundov/
Azərbaycan bankı "AtaBank" ilin sonunadək nizamnamə kapitalını iki dəfə artırmağı planlaşdırır. Bu barədə Trend-ə bankın daxil olduğu "AtaHolding"in Müşahidə Şurasının rəhbəri Əhməd Erentok bildirib.
"Biz indi nizamnamə kapitalının artırılması üzərində çalışırıq. İlin sonunadək biz onu iki dəfə artırmağı planlaşdırırıq", - Erentok bildirib.
Bu gün bankın nizamnamə kapitalı 25 milyon manat təşkil edir.
Onun sözlərinə görə, gələcəkdə əsas diqqət Private banking-in inkişafına ayrılacaq.
"Hazırda bizi maliyyə göstəricilərindən daha çox göstərilən xidmətlərin keyfiyyəti maraqlandırır", - Erentok bildirib.
1993-cü ildən fəaliyyət göstərən "AtaBank" Azərbaycanın ən iri kommersiya banklarından biridir.
Avqustun 19-na rəsmi məzənnə 0,7863 AZN/USD təşkil edir.