...

Nazir müavini: Karbamid zavodunun işə salınması Azərbaycanın xarici bazardan asılılığını aradan qaldıracaq

Biznes və iqtisadiyyat xəbərləri Materials 6 Sentyabr 2011 15:19 (UTC +04:00)

Azərbaycan, Bakı, 6 sentyabr /Trend, müxbir A.Axundov/

Azərbaycanda karbamid zavodunun işə salınması ölkənin gübrə idxalında olan asılılığını aradan qaldıracaq. Trend-in məlumatına bu barədə kənd təsərrüfatı nazirinin müavini Bəhram Əliyev deyib.

"Hazırda biz gübrəyə olan ehtiyacı Aqrolizing dövlət şirkətinin idxali ilə ödəyirik. Ancaq xarici bazardan asılılığı azaltmaq istəyirik", - Əliyev bildirib.

Onun sözlərinə görə, bunun üçün karbamid zavodunun tikilməsi vacib həlldir.

Əliyev deyib ki, zavod işə salınan kimi gübrənin idxalına zərurət qalmır. Ölkənin ümumi ehtiyacı bir milyon tondan çoxdur və zavod bu ehtiyacı tam ödəyəcək.

O bildirib ki, gələcəkdə orqanik gübrələrin ölkədə istifadə olunan gübrələr arasındakı payını artırmaq da nəzərdə tutulur: "Bizim torpaqlarımız kalium ilə zəngindir, ona görə də onlar əsasən azot və fosforlu gübrələrə ehtiyac duyur. Onlar ekoloji cəhətdən daha təmizdir. Bu səbəblə biz gələcəkdə onların payını artırmağı planlaşdırırıq".

Ölkə rəhbərliyinin tapşırığı ilə ARDNŞ sutkada 2000 ton layihə gücü ilə işləyən karbamid istehsal edən gübrə zavodunu inşa edib işə salmağı planlaşdırır. Məlumata görə, zavodun inşasına maliyyə vəsaiti dövlət büdcəsindən ayrılacaq.

Hazırda karbamid istehsal edən müəssisələr böyük qaz ehtiyatlarına malik ölkələrdə geniş yayılıb. Çünki bu istehsal təbii qaza əsaslanır.

Karbamid ekoloji təmiz və ən çox yayılmış azot gübrələrindəndir. O, işlətmə baxımından tam təhlükəsizdir və sağlamlığa heç bir zərə vurmur.

Xəbər lenti

Xəbər lenti