...

Azərbaycanda istehsalatda bədbəxt hadisələrə görə sığorta ödəmələri ay ərzində 1/3 dəfə artıb

Biznes və iqtisadiyyat xəbərləri Materials 23 Sentyabr 2011 20:24 (UTC +04:00)

Azərbaycan, Bakı, 23 sentyabr /Trend, müxbir A.Axundov/

2011-ci ilin yanvar-avqust aylarında Azərbaycan sığorta şirkətlərinin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqları 14,84 milyon manat təşkil edib ki, bu da yanvar-iyul aylarında olan göstəricidən 2,13 faiz çoxdur. Trend-in məlumatına görə, bu barədə Azərbaycan Maliyyə Nazirliyinin sığorta şirkətlərinin ilin ilk 8 ayı ərzində fəaliyyətinə dair hesabatında deyilir.

Sığortanın bu növü Azərbaycanda 2010-cu ilin dekabrından tətbiq edilir.

Yanvar-iyulda sığorta haqları yanvar-iyunla müqayisədə 12,3 faiz, iyunda yanvar-may ilə müqayisədə 8,35 faiz, mayda yanvar-aprel ilə müqayisədə 37,12 faiz, apreldə yanvar-mart ilə müqayisədə 46,13 faiz, martda yanvar-fevral göstəricisi ilə müqayisədə 3 dəfə artıb.

İlin ilk 8 ayı ərzində sığortanın bu növü üzrə şirkətlər 106,59 min manat ödəyib ki, bu da yanvar-iyulda olan ödəmələrdən 32,59 faiz çoxdur.

Azərbaycanda hazırda həyat sığortası üzrə cəmi 3 şirkət fəaliyyət göstərir. Onlar istehsalatda peşə xəstəlikləri və bədbəxt hadisələr nəticəsində əmək qabiliyyətinin itrilməsi hallarından icbari sığorta üzrə xidmətlərin göstərilməsi üçün lisenziyaya malikdirlər. Bunlar "Atəşgah Həyat, "Qala Həyat" və "Paşa Həyat" şirkətləridir.

Ölkədə ümumilikdə 28 sığorta və bir təkrarsığorta şirkəti fəaliyyət göstərir. Bunlar arasında "Fidan Sığorta" şirkətinin lisenziyası dayandırılıb.

Sentyabrın 23-nə olan rəsmi məzənnə 0,7868 AZN/USD təşkil edir.

Xəbər lenti

Xəbər lenti