Azərbaycan, Bakı, 26 sentyabr /Trend, müxbir A.Axundov/
Azərbaycan hökuməti ölkənin İqtisadi Əməkdaşlıq Təşkilatının (ECO) İnkişaf və Ticarət Bankına daxil olması məsələsini nəzərdən keçirir. Bu barədə Trend-ə bazar ertəsi xarici işlər nazirinin müavini Mahmud Məmmədquliyev deyib.
"Azərbaycanın bu banka daxil olmaq üçün artıq prinsipial qərarı var", - Məmmədquliyev bildirib.
Onun sözlərinə görə, bütün digər təfsilatlar müvafiq nazirliklər - İqtisadi İnkişaf, Maliyyə və s. tərəfindən nəzərdən keçirilir.
Bundan qabaq bankın xarici əlaqələr şöbəsinin direktor müavini Tuncay Melektosun Trend-ə məlumat verib ki, Azərbaycan ECO-nun İnkişaf və Ticarət Bankında 15 faizədək iştirak payı ala bilər.
Melektosunun sözlərinə görə, banka yeni üzvlərin qəbulu qaydalarını tənzimləyən sənədə əsasən, hər bir yeni iştirakçının payı 15 faizi ötməməli, eyni zamanda, 0,34 faizdən aşağı olmamalıdır.
"Bankın səhmdarları sırasına yeni iştirakçının daxil edilməsi ilə nizamnamə fondu hazırkı 300 milyon ECO-vahiddən (442,8 milyon dollara yaxın) 580 milyon ECO-vahidədək (856,01 milyon dollara yaxın) artırılacaq", - Melektosun deyib.
Banka daxil olarkən iştirak payına görə minimum üzvlük haqqı iki milyon ECO-vahid (2,95 milyon dollara yaxın) təşkil edir ki, bu da məcmu kapitalın 0,34 faizi qədərdir. Bu zaman 15 faizlik iştirak üçün maksimum üzvlük haqqının mümkün səviyyəsi 87 milyon ECO-vahid (128,41 milyon dollara yaxın) təşkil edir.
Belə olan halda, onun sözlərinə görə, bankın üç yaradıcısı - İran, Pakistan və Türkiyə onların səhmlərinin çoxluq təşkil etmələri üçün hər biri 17,24 faizlik və ya 100 milyon ECO-vahidlik (147,6 milyon dollara yaxın) səhm paketinə malik olacaqlar.
"15 faizlik iştirak payına malik olan ölkə bankın Direktorlar Şurasına öz nümayəndəsini təyin etmək hüququna malikdir. 15 faizdən az iştirak payına malik iştirakçılar isə bir ümumi nümayəndə irəli sürə bilərlər", - Melektosun bildirib.
Azərbaycan Prezidenti İlham Əliyev İƏT-in dekabrın 23-də İstanbulda keçirilən XI sammitində bəyan edib ki, Azərbaycan İƏT-in İnkişaf və Ticarət Bankının tamhüquqlu üzvü olmaqla bağlı Türkiyə Prezidenti Abdullah Gülün dəvətindən istifadə edir.
Melektosunun sözlərinə görə, hələ Azərbaycandan üzv olmaqla bağlı rəsmi müraciət daxil olmayıb.
"Bu barədə danışmaq hələ tezdir. İƏT bankında üzv ölkələri mərkəzi bank və ya müvafiq nazirlik təmsil edir. Azərbaycanda hər şeydən əvvəl ölkəni bankda təmsil edəcək və investisiya qoyacaq struktur müəyyən edilməlidir. Daha sonra bu strukturdan bizə rəsmi müraciət daxil olmalıdır, ona baxıldıqdan sonra müqavilə imzalanacaq. Çünki İƏT İnkişaf və Ticarət Bankı beynəlxalq bankdır, ona görə də imzalanacaq razılaşma İdarə Şurası tərəfindən müzakirə olunacaq və yeni iştirfakçının səhmdarların tərkibinə daxil edilməsi barədə qərar qəbul ediləcək", - Melektosun bildirib.
Onun sözlərinə görə, bank hələ Azərbaycanla bağlı layihələri maliyyələşdirmir. Belə ki, hələlik bütün layihələr banka üzv ölkələrə göndərilib, lakin yeni iştirakçının daxil olması ilə bağlı layihələr bu ölkələrdə də həyata keçiriləcək.
"Bankımızın əsas funksiyaları ticarətin inkişafı, eləcə də iştirakçı ölkələrin iqtisadiyyatının yüksəlməsinə yönələn layihələrin maliyyələşdirilməsidır. Əgər Azərbaycan İƏT bankına daxil olarsa, banklarımız və Azərbaycan bankları arasında imzalayacağımız razılaşmalar çərçivəsində kiçik və orta müəssisələrə və şirkətlərə ortamüddətli maliyyələşdirmə, eləcə də ticarət əməliyyatlarının dəstəklənməsi üçün qısamüddətli maliyyələşdirmə təqdim edəcəyik", - Melektosun bildirib.
İƏT 1985-ci ildə İran, Pakistan və Türkiyə tərəfindən yaradılıb. İƏT 1993-cü ildə BMT-də, bir il sonra isə İKT-də müşahidəçi statusu alıb.
Nizamnamə kapitalı 300 milyon SDR (442,8 milyon dollara yaxın) və elan olunmuş kapitalı bir milyard SDR (1,48 ilyon dollara yaxın) olan İqtisadi Əəməkdaşlıq Təşkilatının İnkişaf və Ticarət Bankı 2005-ci ildə İran, Pakistan və Türkiyə tərəfindən yaradılıb. Bankın mənzil-qərargahı İstanbulda yerləşir.
Bir ECO-vahid bir SDR-ə uyğun gəlir (bir dollar 1,47638 USD/SDR).
