Azərbaycan, Bakı, 26 sentyabr /Trend, müxbir N.İsmayılova/
2011-ci il iyul ayı ərzində Azərbaycan bank sektorunun kapitallaşması 1,7 faiz, ilin əvvəli ilə müqayisədə isə 6,4 faiz artaraq avqustun 1-nə 2308,7 milyon manat təşkil edib. Trend-in məlumatına görə, bu barədə bazar ertəsi Azərbaycan Mərkəzi Bankının (AMB) məlumatında deyilir.
AMB-nin statistik göstəricilərinə əsasən, iyul nəticələrinə görə kapitalı 10 milyon manatı ötən bankların sayı 42 olub ki, bu da 2011-ci il iyun ayı ilə müqayisədə 1 bank çox, 2010-cu ilin sonu ilə müqayisədə isə dəyişməz qalıb. Bu kateqoriyadan olan bankların ölkənin bütün banklarının məcmu kapitalındakı xüsusi çəkisi ilin əvvəli və iyundakı 98,9 faizə qarşı iyulda 99,4 faiz təşkil edib.
İki bankın (xüsusi çəkisi 0,4 faiz) kapitalı 5-10 milyon, 1 bankın (0,2 faiz) kapitalı isə 3,5-5 milyon arasındadır.
Sentyabrın 26-na olan rəsmi məzənnə 0,7869 AZN/USD təşkil edir.
