Azərbaycan, Bakı, 13 oktyabr /Trend, müxbir E.İsmayılov/
2013-cu ildən Azərbaycan, Gürcüstan və Türkiyənin dəmiryol sistemlərinin birləşdirilməsinə hesablanmış Bakı-Tbilisi-Qars dəmiryolu xəttinin fəal istismarı başlayacaq. Trend-in məlumatına görə, bu barədə cümə axşamı Azərbaycanın müstəqilliyinin bərpa olunmasının 20 illiyinə və Azərbaycan dəmiryolçularının peşə bayramına həsr olunmuş tədbirdə Azərbaycanın nəqliyyat naziri Ziya Məmmədov bildirib.
"Bu dəmiryolunun istismara verilməsi Azərbaycanın Avropaya çıxışını təmin edəcək. Tikinti işlərinin 2012-ci ilin sonlarında yekunlaşdırılması nəzərdə tutulur", - nazir deyib.
Ümumilikdə Gürcüstanda aparılan tikinti işlərinin Azərbaycan tərəfinin ayırdığı vəsaitlər hesabına həyata keçrilməsi də nəzərə almaqla, Azərbaycan bu layihəyə 850 milyon dollar yönəldib.
"Bakı-Tbilisi-Qars" dəmiryolu Azərbaycan, Gürcüstan və Türkiyənin dövlətlərarası sazişinə uyğun olaraq tikilir.
Azərbaycan dəmiryolun Gürcüstan ərazisindəki hissəsinin tikintisinə 775 milyon dollar kredit ayırıb.
...
