...

Maliyyə Monitorinqi Xidmətinin baza məlumatları daha 15 faiz artıb

Biznes və iqtisadiyyat xəbərləri Materials 17 Oktyabr 2011 14:42

Trend-i buradan izləyin

Azərbaycan, Bakı, 17 oktyabr /Trend, müxbir N.İsmayılova/

Sentyabrda Azərbaycan Mərkəzi Bankı (AMB) yanında Maliyyə Monitorinqi Xidmətinə şübhəli və mövcud əməliyyatlar üzrə 22 208 məlumat daxil olub. Bu barədə bazar ertəsi xidmətin rəsmi saytında yerləşdirilən statistik hesabatda deyilir.

Sentyabr ayı ərzində bu göstərici 8,8 faiz artıb. Cari ilin əvvəlindən isə Xidmətə 173 922 məlumat daxil olub. Yanvar ayında Xidmətə daxil olan məlumatların sayı 15 369, fevralda 16 210, martda 18 143, apreldə 19 738, mayda 19 478, iyunda 19 713, iyulda 22 646, avqustda 20 417 olub.

Monitorinq Xidməti kredit, sığorta və təkrar sığorta təşkilatları, qiymətli kağızlar bazarı və kredit təşkilatlarının peşəkar iştirakçıları, kredit təşkilatlarının lizinq xidmətləri, poçt şöbələri və digər təşkilatlar vasitəsilə pul köçürmələri, lombardlar, investisiya fondları, qiymətli metal və daşlarla bağlı sövdələşmələr və onlardan düzəldilmiş məmulatlar, qeyri-hökumət və dini təşkilatlar, lotereya təşkilatçıları, daşınmaz əmlak alqı-satqısı üzrə xidmət göstərən şəxslər (rieltorlar), vəkillər, auditorlar, daşınmaz əmlakla bağlı sövdələşmələr, müştəri vəsaitləri, qiymətli kağızlar və əmlak, müştəri bank və depo hesablarının fəaliyyətini əhatə edir.

Azərbaycan Mərkəzi Bankı yanında Maliyyə Monitorinqi Xidməti 23 fevral 2009-cu il tarixində yaradılıb.

Xəbər lenti

Xəbər lenti