...

Dünya Bankı Azərbaycanda su layihələrinin icmalını aparacaq

Biznes və iqtisadiyyat xəbərləri Materials 31 Oktyabr 2011 16:45

Trend-i buradan izləyin

Azərbaycan, Bakı, 31 oktyabr /Trend, müxbir İ.Xəlilova/

Azərbaycanın kiçik şəhərlərinin su təchizatı və kanalizasiya sistemlərinin yaxşılaşdırılması üzrə layihələrin həyata keçirilməsi prosesinin icmalı məqsədilə oktyabrın 31-dən Bakıya Dünya Bankı (DB) missiyasının səfəri başlayır. Bu barədə bazar ertəsi Trend-ə DB-nin Bakı nümayəndəliyindən məlumat verilib.

"Layihənin rəhbəri Manuel Marinonun başçılıq etdiyi missiya noyabrın 8-dək ölkədə olacaq və bankın Azərbaycanda həyata keçiridiyi layihələrin noyabrın 4-də nəzərdə tutulan icmalını keçirəcək", - nümayəndəlikdən deyiblər.

DB 22 rayonu əhatə edən birinci su layihəsi üçün 230 milyon dollar ayırıb. Layihənin ümumi dəyəri 310 milyon dollardır. 2010-cu ilin avqust ayına olan məlumata görə, DB-nin ayırdığı maliyyə vəsaitinin ümumi həcmindən 8,9 milyon dollar istifadə olunub. Birinci layihənin həyata keçirilməsi nəticəsində ən azı 700 min nəfər su ilə təmin olunacaq, eləcə də onlar kanalizasiya xidmətlərindən istifadə edə biləcəklər. Bu layihənin 2012-ci ilədək həyata keçirilməsi nəzərdə tutulub.

DB-nin kiçik şəhərlərdə su təchizatı, kanalizasiya sistemi və kanalizasiya sistemlərinin yaxşılaşdırılması üzrə ikinci layihəsi Azərbaycanın 21 rayonunu əhatə edir, onlardan beşi Naxçıvan Muxtar Respublikasında yerləşir. Qalanları isə Kürdəmir, Ucar, Zərdab və ölkənin digər rayonlarıdır. Layihə 2008-ci ildə start götürüb və 2013-cü ilin fevralınadək başa çatdırılması planlaşdırılıb. Layihənin ümumi dəyəri 410 milyon dollar təşkil edir ki, burada DB-nin payı 260 milyon dollardır. Bu məbləğin 30 milyon dolları BİA tərəfindən ayrılıb. 2010-cu ilin avqust ayına olan məlumata görə, ayırılan vəsaitin ümumi həcmindən 3,3 milyon dollar istifadə olunub.

Xəbər lenti

Xəbər lenti