Azərbaycan, Bakı, 16 noyabr /Trend müxbir A.Axundov/
Azərbaycanda hələlik birillik dövlət büdcəsinin saxlanması lazımdır. Trend-in məlumatına görə, bu barədə çərşənbə günü jurnalistlərə Azərbaycanın maliyyə naziri Samir Şərifov deyib.
"Məsələn, Rusiya büdcəni üçilliyə qəbul edir, sonra il ərzində bir neçə dəfə ona dəyişikliklər edir. Bu gün dünya maliyyə sistemində heç kəs tərəfindən gözlənilməyən proseslər gedir. Bu problemlər həll ediləndə, bu barədə düşünərik", - Şərifov bildirib.
Onun sözlərinə görə, dünya maliyyə böhranının ikinci dalğası Azərbaycana toxunmayıb.
"Böhranın ikinci dalğası hardasa uzaqlardadır, hələ bizə gəlib çatmayıb. Əgər hansı bir formada bizə çatarsa, çətin miqyaslar alacaq. Bizim artıq böhrana reaksiya verdiyimiz 2008-ci il təcrübəmiz var. Əgər vəziyyət həmin cür ağırlaşarsa, biz adekvat reaksiya göstərmək qabiliyyətində olacağıq", - Şərifov deyib.
Çərşənbə günü parlamentin İqtisadi siyasət, Sosial siyasət, Təhlükəsizlik və müdafiə, Təbii ehtiyatlar, energetika və ekologiya, Aqrar siyasət komitələrinin 2012-ci il və sonrakı üç il üzrə dövlət və icmal büdcəsi layihəsinin müzakirələrində millət vəkili Əli Məsimli bildirib ki, Azərbaycanda üçiilik dövlət büdcəsinə və icmal büdcəyə yaxın illərdə keçmək mümkün olacaq.