...

Türkmənistan iqtisadi əməkdaşlıq üzrə Türkmənistan-Azərbaycan hökumətlərarası komissiyasının tərkibini təsdiq edib

Biznes və iqtisadiyyat xəbərləri Materials 3 Dekabr 2011 13:09 (UTC +04:00)
Qurbanqulu Berdiməhəmmədov iqtisadi əməkdaşlıq üzrə Türkmənistan-Azərbaycan hökumətlərarası komissiyasının Türkmənistan tərəfindən tərkibini təsdiq edib.
Türkmənistan iqtisadi əməkdaşlıq üzrə Türkmənistan-Azərbaycan hökumətlərarası komissiyasının tərkibini təsdiq edib

Trend-i buradan izləyin

Türkmənistan, Aşqabad, 3 dekabr /Trend, müxbir H.Həsənov/

Türkmənistan Prezidenti Qurbanqulu Berdiməhəmmədov iqtisadi əməkdaşlıq üzrə Türkmənistan-Azərbaycan hökumətlərarası komissiyasının Türkmənistan tərəfindən tərkibini təsdiq edib.

Sənəddə deyilir ki, bu, Türkmənistan və Azərbaycan arasında ikitərəfli sazişlərin həyata keçirilməsi məqsədlərinə, eləcə də iki dövlət arasında əməkdaşlığın gələcək inkişafına xidmət edəcək.

Son illər ərzində iki Xəzəryanı ölkə arasında yüksək səviyyədə qarşılıqlı səfərlər olub. Hazırda Azərbaycan vasitəsilə Türkmənistanın nefti və yanacaq-energetika kompleksi emalı məhsulları nəql edilir.

Azərbaycan və Türkmənistan Avropa İttifaqı tərəfindən Türkiyədən keçməklə Avropaya uzanacaq gələcək "Nabukko" qaz kəməri üçün xammal mənbələri rolu qismində baxılır. Bu qaz kəməri ölkələrə enerji resurslarının satış bazarının diversifikasiya edilməsinə imkan verəcək.

Türkmənistan bu layihəyə Xəzərin dibi ilə Azərbaycanın infrastrukturu ilə bağlı olan 300 kilometr uzunluğunda qaz kəmərinin tikintisi halında qoşula bilər.

Bu yaxınlarda Aşqabadda keçirilən neft-qaz konfransında ARDNŞ-nin (Azərbaycan Respublikası Dövlət Neft Şirkəti) strateji inkişaf üzrə vitse-prezidenti Tofiq Qəhrəmanov deyib ki, Azərbaycan Transxəzər layihəsinin həyata keçirilməsi üçün tranzit imkanlarına və infrastruktura zəmanət verir və öz ərazisini təklif edir.

Xəbər lenti

Xəbər lenti