Azərbaycan, Bakı, 15 dekabr /Trend, müxbir N.İsmayılova/
Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinə (MKRX) hazırda 17 bank olmayan kredit təşkilatı (BOKT) qoşulub. Bu barədə cümə axşamı Trend-ə AMB-dən məlumat veriblər.
"Mərkəzi Bank BOKT-larla uzun müddət test rejimində işləyib və hazırda ölkədə 17 ən iri BOKT-un qoşulması prosesi başa çatıb", - bankdan deyiblər.
BOKT-un kredit reyestrinə qoşulması "Bank olmayan kredit təşkilatları haqqında" qanun layihəsinin qüvvəyə minməsindən sonra mümkün olub, bundan sonra MKRX hesabatların yeni növlərinin tətbiqi üzrə işləri fəallaşdırıb.
Ölkədə ümumilikdə 24 BOKT və 1 dövlət "Aqrarkredit" QSC fəaliyyət göstərir.
MKRX 2005-ci ilin martından etibarən fəaliyyət göstərməyə başlayıb. 2011-ci ilin fevralından başlayaraq şəxsi məlumatlarla bağlı kredit reyestri üzrə fiziki şəxslərə sorğular pulsuz əsasda, hüquqi şəxslər, kommersiya bankları və BOKT-lara hər bir sorğu üçün isə 2 manat ödənilir. Kredit reyestri kommersiya məqsədləri güdmür, tariflər isə inzibati xərcləri ödəmək üçün tətbiq edilib.
