Azərbaycan, Bakı, 22 dekabr /Trend müxbir İ.Xəlilova/
Bu gün dünya maliyyə bazarlarında müşahidə edilən proseslərin Azərbaycanın qiymətli kağızlar bazarına birbaşa kanalları praktiki olaraq mövcud deyil. Bu barədə cümə axşamı Trend-ə Azərbaycanın Qiymətli Kağızlar üzrə Dövlət Komitəsinin sədri Rüfət Aslanlı deyib.
"Vaxtilə Azərbaycanın kapital bazarına qoyulan "isti" pulların əsas dalğası 2009-cu ildə çıxıb və o özü ilə ciddi kataklizmlərə və ya fəsadlara gətirib çıxarmayıb" , - Aslanlı bildirib.
2009-cu ildə xarici investorlar bazardan dövlət istiqrazları ilə çıxıblar. Xüsusilə dünya maliyyə bazarlarında böhranının dərinləşməsi şəraitində xarici investorlar Azərbaycanda 170 milyon dollar və 120 milyon manat dəyərində buraxılan dövlət qiymətli kağızlarını satıblar.
Onun sözlərinə görə, bu gün xarici investorlar Azərbaycan bazarlarına nəzər yetirirlər, müəyyən alətlər, o cümlədən borc alətləri və səhmlər yerləşdirirlər.
"Lakin bu, əsasən uzunmüddətli investisiyalardır və onlar bu və ya digər bazarlarla, o cümlədən də beynəlxalq bazarlarla bağlı qısamüddətli konyuktura siqnallarına reaksiya göstərmirlər", - Aslanlı qeyd edib.
Onun fikrincə, böhranın ikinci dalğası ona gətirə çıxara bilər ki, beynəlxalq maliyyə bazarları yenidən pula çevrilmə qabiliyyəti problemi ilə üzləşə bilərlər, halbuki mərkəzi banklar bütün dünyada pulları fəal çap edirlər və bu vəsaitləri maliyyə sektoruna göndərirlər.
"Maliyyə sektoru bu pulları real sektora çox da fəal göndərmir və buna görə də onlar müxtəlif iqtisadiyyatların maliyyə sektorlarında yatıb qalır. Bu qlobal bazarlarda pula çevrilmə qabiliyyətinin müəyyən problemlərinə gətirib çıxara bilər, lakin mən hazırda Azərbaycanda kapital bazarı üçün hər hansı bir ciddi fəsadın olmasını istisna edirəm" , - Aslanlı vurğulayıb.
Onun sözlərinə görə, bu, müəyyən mənada qlobal, Azərbaycanın maliyyə bazarlarında bir sıra yeni alətlərin tətbiq edilməsi üzrə yerli, o cümlədən də institusional proqramları, planları saxlaya və ya artımı ləngidə bilər.
"Lakin ciddi risklərlə bağlı müəyyən fəsadları istisna edirəm", - Aslanlı bildirib.
Dekabrın 22-nə olan rəsmi məzənnə 0,7863 AZN/USD təşkil edir.
