...

Bakıda növbəti dəfə istehlakçıların aldadılması faktı aşkar olunub

Biznes və iqtisadiyyat xəbərləri Materials 12 Yanvar 2012 15:23 (UTC +04:00)
Antiinhisar Siyasəti və İstehlakçıların Hüquqlarının Müdafiəsi Dövlət Xidməti endirimlərin tətbiqi zamanı qanunvericiliyin tələblərinə əməl edilməsi ilə bağlı yoxlamaları zamanı istehlakçıların aldadılması faktı aşkar olunub.
Bakıda növbəti dəfə istehlakçıların aldadılması faktı aşkar olunub

Azərbaycan, Bakı, 12 yanvar /Trend/

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti endirimlərin tətbiqi zamanı qanunvericiliyin tələblərinə əməl edilməsi ilə bağlı yoxlamaları zamanı istehlakçıların aldadılması faktı aşkar olunub. Bu barədə cümə axşamı Trend-ə nazirlikdən məlumat verilib.

Bakı şəhəri, Yasamal rayonu, H.Cavid prospekti, məhəllə 520 ünvanında Samir Yusifova məxsus mağazada aparılan yoxlama zamanı, mağaza tərəfindən endirimli qiymətlər kampaniyası adı altında qeyri-dəqiq reklamdan istifadə edilməklə istehlakçıların aldadıldığı müəyyən edilib. Belə ki, yeni fəaliyyətə başlayan bu mağazada malların ilkin satış qiymətləri istehlakçılara endirimli qiymətlər kimi təqdim edilir, reallıqda isə mağazada satılan mallara heç bir endirim tətbiq olunmurdu.

Dövlət Xidməti tərəfindən görülmüş tədbirlər nəticəsində qeyri-dəqiq reklamın yayımı dayandırılıb.

İstehlakçılardan endirimli qiymətlərlə mal təklif edən ticarət obyektlərində endirimlərin düzgün tətbiq edilməməsi halları ilə rastlaşdıqda, İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə (əlaqə telefonları: 498-15-01 və 498-15-04) müraciət etmələri xahiş olunur.

Xəbər lenti

Xəbər lenti