...

Bakı Metropoliteni stansiya çıxışlarının tikintisi üçün kommunikasiyaları köçürəcək

Biznes və iqtisadiyyat xəbərləri Materials 24 Yanvar 2012 17:31 (UTC +04:00)

Azərbaycan, Bakı, 24 yanvar /Trend, müxbir E.İsmayılov/

Bakı Metropoliteni "Elmlər Akademiyası" stansiyasının əlavə çıxışlarının tikintisi çərçivəsində kommunikasiyaların köçürülməsinə hazırlaşır. Bu barədə çərşənbə axşamı Trend-ə Bakı Metropolitenindəki mənbə məlumat verib.

Onun sözlərinə görə, hazırda kommunikasiyaların, o cümlədən kanalizasiya və su xətlərinin köçürülməsinə imkan verməyən bir sıra ticarət obyektlərinin sökülməsi məsələsi həll olunur.

"Yaxın vaxtlarda bu məsələ həll olunacaq və tunelin çəkilişi üzrə işlərə başlamaq üçün bütün mövcud kommunikasiyaların köçürülməsinə başlanacaq", - mənbə deyib.

Bir müddət əvvəl mənbənin dediyi kimi, Bakı Metropoliteninin "Elmlər Akademiyası" stansiyasından əlavə çıxışların tikintisinin başa çatdırılması 2013-cü ilin yayına planlaşdırılır. Stansiyanın 4 əlavə çıxışı tikiləcək. Onların 2-si Bakı Dövlət Universitetinə, qalan 2-si isə avtomobil yollarına çıxacaq.

Əlavə çıxışların tikintisi həm sərnişinlərin təhlükəsizliyinin təmini, həm də "Elmlər Akademiyası" stansiyasının yaxınlığında yerləşən təhsil müəssisələrinə daha rahat gediş-gəliş baxımından zəruridir.

Bakı Metropoliteni 1967-ci ildən fəaliyyət göstərir və hazırda 23 stansiyası var.

Xəbər lenti

Xəbər lenti