Azərbaycan, Bakı, 27 yanvar /Trend, müxbir A.Axundov/
Dekabrda ilkin mənzil bazarında mənzilin orta qiyməti 1,7 faiz azalıb, halbuki 1 kvadratmetr mənzilin orta qiyməti 5,3 faiz artaraq 855 dollara çatıb. 2010-cu ilin dekabrında bu, 812 dollar olub. Bu barədə cümə günü Trend-ə "MBA Group" konsaltinq şirkətinin baş direktoru Nüsrət İbrahimov bildirib.
"Tikinti şirkətləri qiymətlərin sabitləşməsinə çalışırlar. Onların kredit portfelləri artır ki, bu da qiymət artımına səbəb olur", - İbrahimov qeyd edib.
Onun sözlərinə görə, bundan başqa, dekabrda ilkin bazarda qeyri-yaşayış sahələrinin qiyməti sabit qalsa da, son ildə qiymətlərin artım tendensiyası müşahidə edilib.
Əgər 2010-cu ilin dekabrında ilkin bazarda qeyri-yaşayış sahəsinin 1 kvadratmetri 2800 dollar idisə, 2011-ci ilin dekabrında 2836 dollaradək artıb.
