...

Azərbaycanda sosial ödəniş dərəcələrini dəyişdirmək vaxtı çatıb

Biznes və iqtisadiyyat xəbərləri Materials 2 Fevral 2012 18:38 (UTC +04:00)

Trend-i buradan izləyin

Azərbaycan, Bakı, 2 fevral /Trend, müxbir A.Axundov/

Azərbaycanda işəgötürənlər və işçilər tərəfindən Dövlət Sosial Müdafə Fonduna (DSMF) ödənilən icbari sosial sığorta üzrə ödənişlər arasında nisbəti dəyişdirməyin vaxtı çatıb. Bu barədə bir gün əvvəl Trend-ə DSMF sədri Səlim Müslümov deyib.

"Bu, "2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı"nda nəzərdə tutulub və artıq bu prosesə başlamaq lazımdır. Qonşu ölkələrdə bu proses aparılır. Məsələn, Qazaxıstanda 21 faizdən işçiyə 10 faiz düşür", - Müslümov qeyd edib.

Hazırda işçinin icbari sosial sığortaya görə ödənişləri iki mənbədən formalaşır: işəgötürənlər əməkhaqqı fondundan sosial sığortaya ödənişləri 22 faiz həcmində həyata keçirirlər, işçinin əməkhaqqından isə 3 faiz tutulur.

Müslümovun sözlərinə görə, birinci mərhələdə işçilərə ödənilən ödənişlərin faiz dərəcələrinin indiki 3 faizdən 5 faizə artırılması və müvafiq olaraq, işəgötürənlərin payının 22 faizdən 20 faizə azaldılması nəzərdə tutulur.

"Biz hazırda Azərbaycanın pensiya-sığorta sisteminin inkişafının uzunmüddətli planlaşdırılması üzrə layihə çərçivəsində Dünya Bankı və "Overture Financial Ltd" şirkəti ilə araşdırmalar aparırıq. Onlar yaxın müddətdə bu prosesin başlama vaxtı ilə bağlı təkliflərlə nəticələri bizə təqdim edəcəklər", - Müslümov deyib.

Xəbər lenti

Xəbər lenti