...

Azərbaycanda vergi güzəştləri vergilərdən daxilolmaların 30 faizinə çatır

Biznes və iqtisadiyyat xəbərləri Materials 23 Fevral 2012 16:14 (UTC +04:00)

Trend-i buradan izləyin

Azərbaycan, Bakı, 23 fevral /Trend, müxbir A.Axundov/

Azərbaycandakı bütün vergi güzəştlərinin həcmi 2011-ci ildə vergi orqanlarının xətti ilə təmin olunan dövlət büdcəsi gəlirlərinin ümumi həcminin 30 faizini təşkil edir.

Trend-in məlumatına görə, bu barədə Vergilər Nazirliyinin Vergi siyasəti və strateji araşdırmalar Baş İdarəsinin rəisi Akif Musayev "Şəffaflıq və müasir texnologiyaların tətbiqi səmərəli vergi inzibatçılığının əsasıdır" mövzusunda cümə axşamı Bakıda keçirilən ictimai müzakirələrin gedişində bildirib.

2011-ci ildə Vergilər Nazirliyinin xətti ilə büdcəyə 5,5 milyard manat vəsait daxil olub.

"Məsələn, əgər ölkənin kənd təsərrüfatı sektoruna təqdim olunan güzəştlər ləğv olunarsa, o zaman büdcəyə ildə 300 milyon manat əlavə vəsait daxil ola bilər", - Musayev deyib.

Azərbaycanda kənd təsərrüfatı məhsullarının istehsalçıları yalnız topraq vergisini ödəyirlər və vergilərin digər səkkiz növündən azaddırlar.

Xəbər lenti

Xəbər lenti