Azərbaycan, Bakı, 27 fevral /Trend müxbir E. İsmayılov/
Azərbaycan Nəqliyyat Nazirliyi "Azəryolservis" SC sabit və əlverişli hava şəraitinin başlaması ilə fevraldakı şaxta və buzbağlamadan sonra problemlər yaranan avtomobil yollarının təmir edilməsi üzrə genişmiqyaslı işlərə start verəcək. Bu barədə bazar ertəsi Trend-ə SC-nin mətbuat xidmətinin rəhbəri Pünhan Mürsəliyev bildirib.
"Çökəklər yaranan yollar mütləq tamamilə təmir ediləcək. Sabit hava şəraiti tam bərqərar olduqdan sonra bu işlər irimiqyaslı xarakter alacaq" , - Mürsəliyev qeyd edib.
Problemlər əsasən onsuz da cari təmirə ehtiyacı olan və asfalt örtüyünün dəyişilməsi tələb olunan avtomobil yollarında əmələ gəlib.