Azərbaycan, Bakı, 19 mart /Trend, müxbir A.Axundov/
Azərbaycanın sığorta şirkəti "A-Qroup" il ərzində gəlirini 5 dəfədən çox artırıb. Trend-in məlumatına görə, bu barədə bazar ertəsi şirkətin yaydığı məlumatda deyilir.
"Şirkətin 2011-ci il ərzindəki fəaliyyəti nəticəsində gəliri 2010-cu illə müqayisədə artaraq 1 815 698 manat təşkil edib. Güman edirik ki, 2012-ci il də şirkətimiz üçün uğurlu olacaq", - məlumatda deyilir.
"A-Qroup"un saytında dərc edilən balans hesabatına əsasən, şirkət 2010-cu ildəki fəaliyyəti nəticəsində 322,6 min manat həcmində gəlir əldə etmişdi.
Şirkət ötən ilin yekunları üzrə əldə etdiyi gəliri artıq nizamnamə kapitalının artırılmasına yönəldib.