Azərbaycan, Bakı, 5 may /Trend, müxbir A.Axundov/
Azərbaycan Mərkəzi Bankının (AMB) məlumatına əsasən, 2012-ci il martın 1-nə bankların aktivləri 14640,13 milyon manat təşkil edib. Bu rəqəm ötən ilin analoji dövründə 13 157,71 milyon manat olub. Trend-in məlumatına görə, bu barədə şənbə günü AMB-nin statistik hesabatında deyilir.
İl ərzində bankların aktivləri 11,3 faiz artıb.
Bank sektorunun məcmu passivləri 14640,13 milyon manat qiymətləndirilirdi.
Bank sektoru aktivlərinin əsasını müştərilərə verilən 9 223,4 milyon manat dəyərində kreditlər (il ərzində artım 7,9 faiz), investisiyalar (1498,7 milyon manat 29,9 faiz artımla) və müxbir hesablarındakı vəsaitlər (1282,7 milyon manat 9,9 faiz artımla) təşkil edib. Maliyyə sektoruna verilən kreditlər 582,1 milyon manat (6,5 faiz artımla) olub.
Passivlər strukturunda əsas payı ötən ilin analoji dövrü ilə müqayisədə 34,8 faiz artan depozitlər (2012-ci il martın 1-nə 6849,3 milyon manat) təşkil edir. Maliyyə sektorunun kreditləri və depozitləri 13,1 faiz azalaraq 4 469,6 milyon manat təşkil edib.
Azərbaycanda 44 bank fəaliyyət göstərir.
