...

Azərbaycanda nağd pul kütləsi il ərzində 40 faizə yaxın artıb

Biznes və iqtisadiyyat xəbərləri Materials 4 İyun 2012 20:05 (UTC +04:00)

Azərbaycan, Bakı, 4 iyun /Trend, müxbir A.Axundov/

2012-ci ilin yanvar-mart aylarında dövriyyədə olan pul kütləsi (dövriyyədəki nağd pulların (banklardan kənarda) və maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının) (M2) 2011-ci ilin analoji dövrü ilə müqayisədə 38,79 faiz, 2012-ci ilin yanvar-fevral aylarına nisbətən isə 5,32 faiz artıb.

Trend-in məlumatına görə, bu barədə bazar ertəsi Azərbaycan Mərkəzi Bankının (AMB) statistik hesabatında bildirilir.

Belə ki, 2012-ci il aprelin 1-nə olan vəziyyətə görə, M2 göstəricisi 11263,4 milyon manat təşkil edib. 2011-ci il aprelin 1-nə bu rəqəm 8115,5 milyon manat, 2012-ci ilin martın əvvəlinə isə 10694,3 milyon manat olub.

2012-ci il aprelin 1-nə olan vəziyyətə görə, nağd pul kütləsi göstəricisi (M0) 7241,3 milyon manat təşkil edib. 2011-ci il aprelin 1-də bu rəqəm 5427,1 milyon manat, 2012-ci il martın 1-də isə 6911,2 milyon manat olub.

2012-ci il aprelin əvvəlinə olan vəziyyətə görə, genişlənmiş pul kütləsi (Broad Money Supply (M3) 14319,9 milyon manat təşkil edib. 2011-ci il aprelin əvvəlində bu rəqəm 10757,4 milyon manat, 2012-ci il martın əvvəlində isə 13799,2 milyon manat təşkil edib.

2012-ci il aprelin əvvəlinə olan vəziyyətə görə, sövdələşmələr üçün məbləğlər (transaction money (M1) 8996,9 milyon manat təşkil edib. 2011-ci il aprelin əvvəlində bu rəqəm 6608,5 milyon manat, 2012-ci il martın əvvəlində isə 8362,7 milyon manat olub.

Xəbər lenti

Xəbər lenti