Azərbaycan, Bakı, 7 iyul /Trend, müxbir Ə.Həsənov/
İyunun 1-nə manatda depozitlər üzrə orta dərəcə 10,32 faiz təşkil edib. Bu göstərici 2012-ci il mayın 1-nə 10,19 faiz, 2011-ci il iyunun 1-nə isə 11,98 faiz olub. Trend-in məlumatına görə, bu barədə şənbə günü Azərbaycan Mərkəzi Bankının (AMB) statistic hesabatında deyilir.
Xarici valyutada depozitlər üzrə orta dərəcə 11,01 faiz təşkil edib. Bu göstərici, müvafiq olaraq, 11,97 faiz və 11,35 faiz təşkil edib.
İyunun 1-nə fiziki şəxslərin manatda depozitləri üzrə orta dərəcə 10,74 faiz təşkil edib. Bu göstərici 2012-ci il mayın 1-nə 10,71 faiz, 2011-ci il iyunun əvvəlinə isə 11,66 faiz təşkil edib.
Fərdi müştərilərin xarici valyutada depozitləri üzrə orta dərəcə 11,21 faizə bərabər olub. Bu göstərici, müvafiq olaraq, 11,16 faiz və 11,5 faiz olub.
İyunun əvvəlinə hüquqi şəxslərin manatda depozitləri üzrə orta dərəcə 6,12 faiz təşkil edib. Bu göstərici 2012-ci il mayın 1-nə 5,84 faiz və 2011-ci il iyunun 1-nə 6,24 faiz təşkil edib.
Korporativ müştərilərin xarici valyutada depozitləri üzrə orta dərəcə 5,27 faizə bərabər olub. Bu göstərici, müvafiq olaraq, 6,57 faiz və 7,88 faiz olub.
