Azərbaycan, Bakı, 16 iyul /Trend, müxbir E.İsmayılov/
"Azərbaycan Hava Yolları" QSC tərəfindən həyata keçirilən Bakı-Gəncə aviareysi yubanır. Bu barədə bazar ertəsi Trend-ə Heydər Əliyev Beynəlxalq Hava Limanından xəbər verilib.
Bakı-Gəncə reysi ilə uçan J2 239 təyyarəsi paytaxtdan yerli vaxtla saat 09:55-də havaya qalxmalı idi.
Məlumata görə, habelə Tehran-Bakı marşrutu ilə uçan J2 006 aviareysi də yubanır. Təyyarə Bakıda yerli vaxtla saat 05:10-də yerə enməli idi.
Aeroportdan aviareyslərin yubanma səbəbləri dəqiqləşdirilməyib.