Azərbaycan, Bakı, 24 iyul /Trend, müxbir A.Axundov/
İyulun 23-nə olan vəziyyətə görə, Azərbaycanda 2,41 milyon ton payızlıq və yazlıq dənli bitki və dənli paxlalılar (qarğıdalısız) yığılıb ki, bu da ötən ilin analoji dövr göstəricisini 9,36 faiz üstələyir. Trend-in məlumatına görə, bu barədə çərşənbə axşamı Kənd Təsərrüfatı Nazirliyinin yaydığı məlumatda deyilir.
Hesabat dövründə 995,89 min hektar əkin sahəsindən (il ərzində 6,7 faiz artım) 916,22 min hektar biçilib (2,7 faiz artım).
Bununla yanaşı, ümumilikdə dənli bitkilərin məhsuldarlığı il ərzində hər hektarda 24,7 sentnerdən 26,3 sentnerədək artıb (6,5 faiz artım).
İyulun 23-nə olan vəziyyətə görə, ölkədə 1,69 milyon ton buğda yığılıb ki, bu da ötən analoji dövr göstəricisini 4,4 faiz üstələyir. Bu bitkinin məhsuldarlığı il ərzində hər hektarda 25,1 sentnerdən 26,9 sentnerədək artıb.